قصيدة لغرام

غلبني حر الشوق فليالي لسقام
و ما دريت رقاد لعيوني هاني
مولاتي زينة الطلعة و خير قدام
ساكنة بجمالك لعقل و وجداني
حشمة و صواب و قد مقدود ريام
عفاك جودي بشوفة ملعيون فجناني
و جودي ببسمة من وجهك الحسام
تشفي ضني وضنايا و تطفي نيراني
عاري عليك لا تبخلي يا بنت لكرام
راه في عشيرتي وليت غريب و براني
للا و الخدود الحمر شمس تمحي لغمام
شوفي من حالي لا تشعلي جمر حزاني
خيالك الهادي كل ليلة يزورني فلمنام
يسافر بيا و ينسيني همومي و محاني
عطرك لفريد كيف عود لقماري هيام
يخلي الدنيا فدان مورد و يحيي غصاني
صوتك الشادي ملحون يا محلاه كلام
ساكن فلعماق و بيه البال يولي هاني
طيفك الباهي يطير فخيالي كيف لحمام
محال واش ننساه مهما يطول زماني
نوصيك بالصبر يا قلبي الدايب بنار لغرام
و نطلب من الله يكون في عونك و عواني

بقلم بدر الحطيئة